خذها من أقصى القلب

خذها من أقصى القلب يازين (فارق)
ماعاد تنفع كثـرة الحـب والشـوق


كن الزعل شي(ن) به الحب شـارق
وأشوف جيب الحب ذلحين مشقـوق


قدني في بحر الحب يازيـن غـارق
أوفيت لك ميـر الدلـع زود العـوق


ماتدري ان الهجر والشـوق حـارق
وتشوف شوقي زاد والشوق مطفوق


ماني لعهـد الحـب يازيـن خـارق
مير أن قلبك أصبـح اليـوم طابـوق


وأشـوف عـزة نفسنـا كالمطـارق
تضرب وأنا القاضي وانا راعي حقوق


أنهيت جلسة حبنـا وأنـت سـارق
سرقت قلبن مـن مودتـك محـروق


ماني على أبـواب المقفيـن طـارق
واللي يبينا يشتري والهـوى سـوق


وش عاد لو أنك ياذا الزيـن بـارق!
لا لحت مثلك يجحده راعـي النـوق


تدري وش اللي يجعل الرجل خـارق؟؟
لا داس قلبه وأرتقى العز بـه فـوق