يسقط البنطلون أبو وسط ساقط .. !!

بلد.... بنطلونها بوسط ساقط
ايوه بلد بنطلونها بوسط ساقط... لما شبابها بيلسبوا بنطلون بوسط ساقط....طب ليه؟ موضة ولا شياكه ولا رجولة.... فين الرجولة (مع الاعتذار للكلمة) مع وسط بيترقص مع كل خطوه وكل خطوه مليئة بالمياعه والمياصه...هم مش عارفين مع سقوط البنطلون بيسقط معه كل حاجه
بيسقط العقل
بيسقط الدين
بتسقط الأخلاق
بتسقط الكرامة
بتسقط الرجولة
بيسقط الوقار
وايه يعنى لما يسقط البنطلون أبو وسط ساقط
هيفضح المستور وتنكشف الامه وتسقط زى ما سقط البنطلون
يعنى ايه
يعنى البنطلون أبو وسط ساقط هيبقى قريب من التراب من الرذيلة من الانحطاط
يا سلام كل ده من البنطلون أبو وسط ساقط
طب انا عارف ناس كتيره بنطلونها بوسط ساقط وكويسين فى كل حاجه
طب ما إحنا كنا كويسين فى كل حاجه وبدأنا نسقط فى كل حاجه لما بدأنا نلبس البنطلون أبو وسط ساقط
دلوقتى لما يسقط البنطلون أبو وسط ساقط مش عارفين بكره إيه إلى هيسقط بعده وتنهار الامه زى ما انهار البنطلون أبو وسط ساقط.
يعنى البنطلون أبو وسط مرفوع هو اللي هيرفع الامه وينقذها من السقوط؟؟؟



رجاء خاص جدا
رجاء من المتوجهين إلى وسط البلد للشراء عدم لبس بنطلون بوسط ساقط علشان وسط البلد مش مستحمل بنطلون واحد بوسط ساقط علشان إحنا خايفين على وسط البلد يحسن تسقط زى ما سقط البنطلون أبو وسط ساقط

منقول للنقاش ...