الرئيسية
أحدث الصور
من طرف أنا بحب الشام و تراب الشام و هوا الشام و كل أهل الشام: الكبير و الصغير و المقمط
بسرير مو لأني متعصب لا سمح الله لأ أبداً بس لأنو الشام حلوة و الله الشام حلوة
ياجماعة حلوة كتير !!!
لا تواخذوني عم إحكي بالعامي بس هيك حابب إحكي حتى فش قلبي .. و يا ريت ما
حدا يزعل مني ...
صحيح قصة الشوارع المحفرة ما كانت تخلص من أرصفة وخلافو و صحيح إنو الناس
ص×××ن عم يمشوا و عيونهم بالأرض (مو كرم أخلاق و حشمة) بس لأن إذا الواحد رفع
راسو و تطلع بأي شي تاني غير الأرض ممكن تطلعلو جورة جديدة أو يتشركلو بشي
حجرة أو بلوكة ما كانت لا عالبال و لا على الخاطر و تنزعلوا مراقو، بس و الله الشام
حلوة ...
و صحيح البلدية عم تزفت الطرقات بس شو زفت!! مممم زفت مزفت ما في أزفت من
هيك مرقع ترقيع و المطبات يا عيني شي أبهه يعني صار لازم كل الناس بما فيهم
شوفيرية التكاسي و الميكرويات يبدلوا سياراتهم و جيبوها(فور وييل) يعني دفع رباعي
و حاجتهم هالعالم كحتنة و تكديس عملة، بس و الله الشام حلوة ..
و صحيح مشكلة العجقة هي هي ما تغيرت بين ساحة الأمويين و الربوة و تحت جسر
الرئيس و خلافو و صحيح بعد كل هالحفر و النكت رجعنا تيتي تيتي متل ما رحتي متل
ما جيتي، بس و الله الشام حلوة ..
و صحيح مؤسسة الكهرباء عم تنور بعض الطرقات بالنواصات فقط (يعني الضو عم
يضوي على حالو) و صحيح إنهم عم ينسوا البعض الآخر من الطرقات نهائياً و يتركوها
مكتفين بنور المواطنين هاد غير قطع الكهرباء المستمر بالضواحي يلي إذا بدنا نحكي
عنو ما رح نخلص، بس و الله الشام حلوة ...
و صحيح إنو البلد صارت معباية غربتلية عم يبيعوا و يشتروا و يتملكوا و منين جايبيين
المصاري ما حدا بيعرف و نازلين صرف بالدولار على أبو موزة و يا ريت عاجبهم إلا كمان
عم يسبونا يعني قاعدين بحضنا و عم ينتفوا بدقنا و صحيح بسببهم الأسعار صارت
طالعة بالعلالي من كل الجهات )لأن يلي عم يرفعوا الأسعار بدهم دف ليرقصوا) و
صحيح الواحد عم يركض يركض ما عم يلحق لأن أجرة البيت يلي كانت بـ7 آلاف صارت
الحمد لله 30 ألف (و هادا عم نحكي على بيت بالضواحي يعني على نمط قدسيا مو
شي فخم متل بيوت المالكي إنتبهوا هه) بس و الله الشام حلوة ..
و صحيح الطلاب عم ينجحوا بقدرة قادر ببعض المدارس مع أنو ما في أساتذة و معلمات
لبعض المواد و لبين ما يجي يداوم الأستاذ أو المعلمة بتكون السنة خلصت و إذا
إجاهم أساتذة و معلمات يتلاقيهم ما فيهم نتفة ضمير (و الحق مو كلو على الأساتذة
و المعلمات لأن رواتبهم بتخجل)، بس و الله الشام حلوة ...
و صحيح إنو وظيفة الدولة (إذا كنت شريف) ما بتكفيك حق خبز و لازم تشتغل قبل و
بعد و أثناء دوامك شغلتين تلاتة لحتى تلحق مصروف بيتك بس و الله الشام حلوة ...
و صحيح إنو شوفيرية التكاسي ما بيطالعوك على الضواحي لحتى تدفع عدادين أو
بأحسن الأحوال عداد و نص هادا إذا رضي يطالعك و ما سألك لوين مشوارك و إذا
قلتلو جديدة عرطوز مثلاً بيتلون و بينقلب وشو كأنك قلتلو على جهنم، بس و الله الشام
حلوة ..
و صحيح إنو السياحة الداخلية (يعني مشوار على اللاذقية) صارت حكر للأغنياء فقط
لأن أسعار الفنادق و الشاليهات صايرة حلوة كتييير، بس و الله الشام حلوة ..
و صحيح الجامعة صارت حلم لكل سوري و سورية لأن الجامعة العامة بتطلب معدلات
خيالية و الجامعة الخاصة بتطلب أسعار فلكية و كل الناس بدهم شهادة جامعية مو
للبروظة - لا سمح الله - بس لأنها صارت أساسية مع كل سيرة ذاتية بتبعتها لتلاقي
فيها وظيفة تاكل منها لقمة هنية، بس و الله الشام حلوة ..
و صحيح كترت همومنا العربية و مشاكلنا اليومية و و تعبت أحوالنا المادية بس و الله
و الله الشام حلوة كتير و مع كل هاد رح ضل حبها لأن عندي فتلة بباب توما أو
بالشعلان أو شارع الحمراء (و لو ما اشتريت شيء) و لك فنجان قهوة بديار بيت ستي،
أو أكلة ظريفة مع تحلاية شامية بالميدان وكاسة عصير عند أبو شاكر أو أبو عبدو أو
سندويشة شاورما من عند عماد أو قعدة بقاسيون بتشوف فيها الشام من فوق
(يعني لا رح تقدر تشوف الرشوة و لا الحفر و لا الغلاء) بتسوى عندي كل الدنيا و لو
طوبولي أمريكا كلها مع كل دول الخليج ما بترك الشام و تراب الشام و بسافر لهونيك
لأن الله واحد ما في غيرو
و الشام وحدة ما في غيرها و الله يحميكي يا شام... ما في غيرك رافعة راسنا بين
الناس و ما بنركع غير لربنا يلي خلقنا و مهما فرضوا علينا عقوبات و رمولنا إتهامات و
بعتولنا لجان تحقيق و على خود و هات رح نضل نحبك للممات ...
خلونا نضل نحب الشام.. و الله الشام حلوة كتييييير ... [/b]
بسرير مو لأني متعصب لا سمح الله لأ أبداً بس لأنو الشام حلوة و الله الشام حلوة
ياجماعة حلوة كتير !!!
لا تواخذوني عم إحكي بالعامي بس هيك حابب إحكي حتى فش قلبي .. و يا ريت ما
حدا يزعل مني ...
صحيح قصة الشوارع المحفرة ما كانت تخلص من أرصفة وخلافو و صحيح إنو الناس
ص×××ن عم يمشوا و عيونهم بالأرض (مو كرم أخلاق و حشمة) بس لأن إذا الواحد رفع
راسو و تطلع بأي شي تاني غير الأرض ممكن تطلعلو جورة جديدة أو يتشركلو بشي
حجرة أو بلوكة ما كانت لا عالبال و لا على الخاطر و تنزعلوا مراقو، بس و الله الشام
حلوة ...
و صحيح البلدية عم تزفت الطرقات بس شو زفت!! مممم زفت مزفت ما في أزفت من
هيك مرقع ترقيع و المطبات يا عيني شي أبهه يعني صار لازم كل الناس بما فيهم
شوفيرية التكاسي و الميكرويات يبدلوا سياراتهم و جيبوها(فور وييل) يعني دفع رباعي
و حاجتهم هالعالم كحتنة و تكديس عملة، بس و الله الشام حلوة ..
و صحيح مشكلة العجقة هي هي ما تغيرت بين ساحة الأمويين و الربوة و تحت جسر
الرئيس و خلافو و صحيح بعد كل هالحفر و النكت رجعنا تيتي تيتي متل ما رحتي متل
ما جيتي، بس و الله الشام حلوة ..
و صحيح مؤسسة الكهرباء عم تنور بعض الطرقات بالنواصات فقط (يعني الضو عم
يضوي على حالو) و صحيح إنهم عم ينسوا البعض الآخر من الطرقات نهائياً و يتركوها
مكتفين بنور المواطنين هاد غير قطع الكهرباء المستمر بالضواحي يلي إذا بدنا نحكي
عنو ما رح نخلص، بس و الله الشام حلوة ...
و صحيح إنو البلد صارت معباية غربتلية عم يبيعوا و يشتروا و يتملكوا و منين جايبيين
المصاري ما حدا بيعرف و نازلين صرف بالدولار على أبو موزة و يا ريت عاجبهم إلا كمان
عم يسبونا يعني قاعدين بحضنا و عم ينتفوا بدقنا و صحيح بسببهم الأسعار صارت
طالعة بالعلالي من كل الجهات )لأن يلي عم يرفعوا الأسعار بدهم دف ليرقصوا) و
صحيح الواحد عم يركض يركض ما عم يلحق لأن أجرة البيت يلي كانت بـ7 آلاف صارت
الحمد لله 30 ألف (و هادا عم نحكي على بيت بالضواحي يعني على نمط قدسيا مو
شي فخم متل بيوت المالكي إنتبهوا هه) بس و الله الشام حلوة ..
و صحيح الطلاب عم ينجحوا بقدرة قادر ببعض المدارس مع أنو ما في أساتذة و معلمات
لبعض المواد و لبين ما يجي يداوم الأستاذ أو المعلمة بتكون السنة خلصت و إذا
إجاهم أساتذة و معلمات يتلاقيهم ما فيهم نتفة ضمير (و الحق مو كلو على الأساتذة
و المعلمات لأن رواتبهم بتخجل)، بس و الله الشام حلوة ...
و صحيح إنو وظيفة الدولة (إذا كنت شريف) ما بتكفيك حق خبز و لازم تشتغل قبل و
بعد و أثناء دوامك شغلتين تلاتة لحتى تلحق مصروف بيتك بس و الله الشام حلوة ...
و صحيح إنو شوفيرية التكاسي ما بيطالعوك على الضواحي لحتى تدفع عدادين أو
بأحسن الأحوال عداد و نص هادا إذا رضي يطالعك و ما سألك لوين مشوارك و إذا
قلتلو جديدة عرطوز مثلاً بيتلون و بينقلب وشو كأنك قلتلو على جهنم، بس و الله الشام
حلوة ..
و صحيح إنو السياحة الداخلية (يعني مشوار على اللاذقية) صارت حكر للأغنياء فقط
لأن أسعار الفنادق و الشاليهات صايرة حلوة كتييير، بس و الله الشام حلوة ..
و صحيح الجامعة صارت حلم لكل سوري و سورية لأن الجامعة العامة بتطلب معدلات
خيالية و الجامعة الخاصة بتطلب أسعار فلكية و كل الناس بدهم شهادة جامعية مو
للبروظة - لا سمح الله - بس لأنها صارت أساسية مع كل سيرة ذاتية بتبعتها لتلاقي
فيها وظيفة تاكل منها لقمة هنية، بس و الله الشام حلوة ..
و صحيح كترت همومنا العربية و مشاكلنا اليومية و و تعبت أحوالنا المادية بس و الله
و الله الشام حلوة كتير و مع كل هاد رح ضل حبها لأن عندي فتلة بباب توما أو
بالشعلان أو شارع الحمراء (و لو ما اشتريت شيء) و لك فنجان قهوة بديار بيت ستي،
أو أكلة ظريفة مع تحلاية شامية بالميدان وكاسة عصير عند أبو شاكر أو أبو عبدو أو
سندويشة شاورما من عند عماد أو قعدة بقاسيون بتشوف فيها الشام من فوق
(يعني لا رح تقدر تشوف الرشوة و لا الحفر و لا الغلاء) بتسوى عندي كل الدنيا و لو
طوبولي أمريكا كلها مع كل دول الخليج ما بترك الشام و تراب الشام و بسافر لهونيك
لأن الله واحد ما في غيرو
و الشام وحدة ما في غيرها و الله يحميكي يا شام... ما في غيرك رافعة راسنا بين
الناس و ما بنركع غير لربنا يلي خلقنا و مهما فرضوا علينا عقوبات و رمولنا إتهامات و
بعتولنا لجان تحقيق و على خود و هات رح نضل نحبك للممات ...
خلونا نضل نحب الشام.. و الله الشام حلوة كتييييير ... [/b]
